Constantiakruin is ’n familiekerk wat glo dat Jesus vandag nog gewone mense roep en ontmoet waar jy is, soos jy is, maar jou ook liefhet – genoeg om jou nie daar te los nie. Hy transformeer jou lewe, stap saam met jou, en wys vir jou ’n wêreld waarin jy ’n verskil kan maak.

Ons is ’n dinamiese familiekerk aan die Wesrand wat inklusief dink en ruimte maak vir verskeie aanbiddingstyle – van kontemporêr tot meer formeel. Hier vind jy ’n hartlike geloofsfamilie, ’n lewendige jeugbediening en ’n doelbewuste fokus op geloofsgroei.

Ons roeping is eenvoudig: om die liefde van God met elke mens te deel, oor alle grense heen. Omdat God ons eerste liefgehad het, kan ons nie anders as om daarop te reageer nie – deur liefde, omgee en diens.

Ons wil ’n ruimte skep waar jy nie net ander mense kan leer ken nie, maar ook die Here op ’n egte manier kan ontmoet. ’n Geestelike tuiste waar jy geborge kan voel in God se genade en liefde, en waar jy kan groei tot die beste weergawe van jouself.

Jy is welkom om saam met ons op hierdie reis te kom.

Ons sien uit daarna om jou te ontmoet.